Денес во населените места Ангелци и Градошорци започна изградбата на улици од вкупно планираните 14 за ова сезона а за кои средствата се обезбедени од општинскиот буџет. Станува збор за улици во вкупна должина од 1600 метри во повеќе населени места за што ќе бидат потрошени околу 120 илјади евра. Ќе се асфалтираат улици и во Седларци, Василево, Пиперево, Добрашинци, Сушево и Висока Маала.
Паралелно во ова општина со средства обезбедени од Агенцијата за финансиска поддршка во земјоделието и руралниот развој и средства од Бирото за регионален развој ќе се асфалтира дел од локален пат Нова Маала – Чанаклија во должина од 1700 метри ќе се изврши реконструкција и ревитализација на локален пат Ново Владиевци – Сушево во вкупна должина од 1878 метри со средства обезбедени од АФПЗРР; Реконструкција на улица во Василево од пошта до црква во должина од 216 со изградба на атмосферска канализација, ново улично осветлување и пешачки патеки од двете страни на улицата, како и изградба на улица во населеното место Добрашинци во вкупна должина од 420 метри со средства обезбедени од БРР.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
