Членот на Извршниот одбор на ЗНАМ Александар Илиев вели дека оваа партија ќе излезе со сопствена советничка листа во Општина Струмица на престојните локални избори. Во интервју за порталот СтрумицаНет Илиев истакна дека се финализира листата која ќе биде клучна за мнозинството во Советот на Општина Струмица.
,,Во однос на Струмица, ЗНАМ ќе има своја советничка листа, која ќе биде спој на млади, енергични и искусни луѓе кои веќе оставиле трага во животот на струмичани. ЗНАМ со квалитетот на листата во Струмица ќе покаже дека е партија која претендира да биде клучен фактор во идната општинска власт и партија која ќе ја наметне својата програма. Анкетите направени во мај 2025 година, за општина Струмица покажува дека и ВМРО-ДПМНЕ и СДСМ имаат поддршка под 35%. Според тие анкети ние бевме клучот за мнозинство во советот“ , одговора Илиев
Тој потенцираше дека програмата веќе се изготвува во која се вклучени голем број на проекти иницирани и предложени од граѓаните на Општина Струмица.
Интервјуто за очекувањата на ЗНАМ во Струмица може да го прочитате ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
