Движењето ЗНАМ – За наша Македонија од Струмица до 20-ти август ќе ја реализира кампањата ,,Со срце за општината “ при што на различни локации во градот и населените места ќе прават теренско анкетирање на граѓаните со кое ќе сакаат да го видат нивното размислување, идеи, проблеми, нивните потреби за подобра општина Струмица – што впрочем ќе биде вметнатото и во предизборната програма на ЗНАМ на претстојните Локални избори .
„Ние не веруваме во програми пишувани зад затворени врати, за да им служат на неколкумина. Ние веруваме во гласот на народот. Затоа оваа програма ќе ја пишуваат граѓаните – според нивните маки, нивните потреби, нивните соништа за подобра Струмица“ – кажа претседателот на ОО на ЗНАМ во Струмица и пратеник во македонското Собрание, Миле Цеков.
Тој ги повика сите струмичани во наредниот период да ги посетат на пунктовите, да пополнат анкетен лист или едноставно на активистите да им кажат – што најмногу ги мачи, што сакаат да се промени, и какви луѓе заслужуваат да ги претставуваат во Советот на општина Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
