ЗНАМ ќе достави иницијатива до Министерството за животна средина за отпочнување на постапката за прогласување на планината Беласица како заштитено подрачје категорија 5. Предлогот доаѓа бидејки Беласица на грчка страна е прогласена за Национален парк а во Бугарија е парк на природата. Само во Македонија стои како обична планина и покрај огромниот потенцијал што го нуди. Како што соопшти пратеникот Миле Цеков во прилог на иницијативата на ЗНАМ е и валоризиранта студијата од група експерти подржана од УНДП за потребата од прогласување на Беласица за заштитено подрачје
,,Сакам да нагласам дека планината Беласица располага со големи природни и културни богатства како и огромен потенцијал за развој на еко руралниот туризам. Со заштитата на Беласица ќе се создаде голема можност за промоција на Струмичкиот регион и развој на туризмот во регионот. Имајќи го во предвид законот за заштита на природата, само Владата може да прогласи заштитено подрачје,, кажа пратеникот Миле Цеков
Порталот doma.edu.mk. пред пет години објави видео приказна за убавините на ова планина каде ги има Колешинските и Смоларските водопади како и Моноспитовското блато како споменици на природата. Паралелно го објаснува и третманот од трите држави Македонија, Бугарија и Грција кон оваа планина за која граѓански активисти контуинирано реагираат за нелегална сеча.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
