Производителите на домати во понедeленик ќе ја блокираат Струмица бидејки никој од Владата не ги контактирал да им ги слушне проблемите и да им помогне. Откако вчера го блокираа патот кај Просениководо три населени места, тие денеска три часа протестираа на влезот во Пиперево, кое важи за место како најголем производител на домати.
,, Ако нема Влада не значи дека треба да бидеме ставени на милост и немилост. Ова држава има институции. Нека дојдат овде и видат што се случува и како си играат со нашата мака. Ова е недозволиво. Пред половина век, доматите беа со цена од 20 до 25 денари, кога репроматријалите беа евтини. А сега ем скапи репроматирјали ем ниски откупни цени. Има ли некој овде да гарантира за земјоделците,, праша Васе Соколов кој ова година има засадено околу 20 илјади корени со домати
Земјоделците отворено најавија дека во понеделник ќе протестираат во Струмица каде ќе блокираат неколку клучни сообраќајници. За нив неисплатливо е првите берби со домaти да се предаваат по цена од 20 до 25 денари. Убедени се дека има и домати од увоз.
,, За рок од два дена ако овој проблем не се реши, излегуваме на протести во Струмица. Сакаме да имаме рентабилна откупна цена од 35 денари по килограм но и да се стопира увозот на доматите од Албанија,, кажа Христијан Спасов млад земјоделец
Дека постои увоз на домати од странство потврдија и од Националанта земјоделска мрежа чии преставници дадоа поддршка на денешниот протест во Пиперево. Ѓорѓи Каракашев вели дека државата мора да најде начин да стави ред со откупот.
,,Мора да се стави ред со трговците кои ,,дивеат“ со цените на доматите и го злоупотребуваат трудот на земјоделците. Мора да се стави контрола и на непотребниот увоз на домати од надвор кој е со сомнителен квалтиет. Вака ако продолжи нашето производство е осудено на пропаст“, рече Каракашев.
Последнава недела, раноградинарите од струмичко организираа серија протести и блокади барајки од Владата да донесат загарантирани откупни цени на зеленчукот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
