Потенцијалниот министер за земјоделство а сегашен дополнителен во техничката Влада, Цветан Трипуновски, најави борба против зелената мафија во Струмица. Според него имало неколку откупувачи и трговци кои печалат врз маката на земјоделците и мора да се стави крај на сето тоа. Трипуновски ова го најави на денешниот протест на прозводителите на домати во Струмица. Тие веќе трет дена реагираат барајки повисока откупна цена на стартот од бербите но и да се стопира ако има увоз на домати од Албанија.
,, Дојдов овде за да им дадам поддршка на овие земјдоелци, затоа што идната Влада ќе застане зад нив. Ако ме прашувате дали сум знаел што се случува, да сум знаел. Ова се случува пет години и овде има една групација кои носи едно име и го јаде трудот и маката на земјоделците. Јас ветувам дека тоа во иднина нема да се случува и нема да дозволам. Зелена мафија, кванташка мафија, како сакате. Таму има чесни играчи но орото го водат нечесни и печалат врз маката на овие луѓе“, рече Трипуновски
Тој најави дека утре ќе има средба со откупувачите за да го слушне и нивниот став па ќе излезе со конкретни решенија. Како што кажа знаел како се движат цените во соседството и колку домати се увезувале во земјава.
Земјоделците сметаат дека со цена од 25 денари за килограм на почетокот на бербите е нерентабилна и не ги покрива производствените трошоци. За Васе Митушев ова ќе излезе ептен лоша сезона и покрај барањата на Владата да се произведува сопствена храна.
,, Лошо поминавме со зелката, со краставиците, компирот сега и со доматите. Мора некој да застане да не заштити. Има ли државата контролен механизам да даде одредени гаранции. Сите знаеме што се случува со откупот, но никој ништо не превзема,, вели Митушев
Раноградинарите од струмичко уште во петокот го кренаа гласот и почнаа со трактори и земјоделска механизација да блокираат локални патишта. Тие најавија дека протестите ќе продолжат и во иднина доколку на утрешната средба не се издејствува повисока откупна цена. Откупувачите пак што ги контактиравме тврдат дека цените се резултат на понудата и побарувачката и дека на странските пазари македонските домати ја губаат конкурентноста.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
