Зелениот пазар во општинскиот центар Ново Село утре четврток (09.04.2020) повторно ќе биде отворен но со рестриктивни мерки во согласност со препораките на Влада на Република Северна Македонија за спречување на ширењето на коронавирусот Ковид-19, објави општината на својата ФБ профил. Како што во известувањето од општината и ЈПКД Комуна на пазарот ќе може да се продаваат само овошје и зеленчук но не и текстил, облека и обувки
,,На пазарот ќе биде дозволено само продавање на храна односно на земјоделски производи од типот на овошје, зеленчук, житни култури и сл. за да можат граѓаните да се снабдат со основните намирници. Останатите продавачи од типот на продавачи на текстил, облека, обувки и сл. им се забранува продавањето на пазарот.
Продавачите на пазарот ќе бидат распоредени на препорачаното растојание, а се апелира до граѓаните да излезат на пазар само по потреба, да практикуваат лична и респираторна хигиена, да носат заштитни маски по можност, и да избегнуваат пазарење во групи, односно да оставаат доволно растојание помеѓу луѓето при пазарење.,, стои во известувањето
Општинските власти од Ново Село апелираат до граѓаните строго да се придржуваат кон препораките од Владата на РСМ и Министерството за здравство во однос на заштита на јавното здравје. Во овој период на рестриктивни мерки организирањето на сточниот пазар во Ново Село е забрането.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
