Неполн месец по чистењето на просторот околу ,,Калмова чешмичка’’ спроти Негорски бањи, членовите на здружението ,,Changemakers4all’’ од Гевгелија повторно се впуштија во еко акција. Денеска ја чистеа областа околу мостот на Серменинска река каде наидоа на разновиден отпад, од пластика, текстил па се до градежен шут и големи колични скршено стакло. Во денешната акција се вклучи и ЈП ,,Комуналец’’ од Гевгелија чии работници освен што чистеа и го транспортираа отпадот.
,, Наидовме на ужасна глетка. Разновиден отпад кој може да биде и опасен, а станува збор за област околу река каде несовесни граѓани фрлале се, од градежен шут, пластика па дури и стакло. Успеавме со наши членови но и граѓани од Гевгелија кои ни се приклучија да го собереме ѓубрето и со помош на комуналното да се транспортира до места кои се за таа намена. Се надеваме дека акцијата ќе не освести дека не смееме да фрламе било каде отпад’’, ни изјави Марина Томова претседател на здружението ,,Changemakers4all’’ .
Ова здружение во изминатиот период иницираше и реализира повеќе еко акции и како што кажаа за две недели повторно ќе реализират еколошка акција за почиста и поубава Гевгелија. Но како што потенцираше Томова, радува фактот што на ова акција ќе се вклучат и гевгелиските училишта но и општината се со цел да се пренесе порака дека мора да се грижиме за средината во која живееме, работеме, опстојуваме
,, Засега не сме утврдиле каде ќе чистиме, но важно е што на таа акција ќе ни се приклучи и општината но и учениците од училиштата. Значи гевгеличани сакаат чиста средина и покажуваат интерес да бидат дел од еко акциите. Нас не радува сето тоа бидејки ние како повозрасни сме должни да создадеме услови за здрави генерации а со тоа и чиста и здрава животна средина’’, кусо ни кажа Томова
фото – D.M cm4all
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
