Непрофитната организација „Здрава Котлина“ на својата ФБ страна во коментари на објавен статус, објави повеќе видеа од објекти кои преку оџаците во воздухот испушаат емисии. Станува збор за видеа пласирани како коментари кои оваа организација ги имаат како што наведуваат добиено од граѓански активисти кои сакаат чист воздух. „Здрава Котлина“ споделувајки го статустот во чии коментари се видеата побара од надлежните да утврдат што всушност горат овие објекти.
,, Очекуваме надлежните инспекции итно да утврдат што точно се гори“ , стои во описот за објавеното видео на ФБ статус на Здрава Котлина а во коментари споделени уште неколку други видеа од објекти.
Инаку денеска СВР Струмица излезе со информација дека е откриено лицето кое има подметнато пожар во дивата депонија во атарот на Градско Балдовци заради што се издигаше црн чад. Полицијата не го откри неговиот идентитет но како што соопштија ќе одговара за прекршок по член од Законто за управување со отпад
„Од преземените мерки е утврдено дека во конкретниот случај постојат елементи на прекршок по член 37 од Законот за управување со отпад, по што од страна на полицијата е утврден идентитетот на сторителот и се преземаат мерки за негово санкционирање“, стои во информацијата на СВР Струмица
„Здрава Колтина“ за сабота по струмичките улици најави протест за чист воздух. Про Протестот е закажан на раскрсницата на ТЦ „Глобал“ во Струмица на 24 јануари од 12 часот.
„Дојде денот кога повторно сме принудени да излеземе на улица, и да го изкажеме нашиот заеднички револт против аерозагадувањето. Властите се менуваат. Функциите се менуваат. Но, едно нешто останува исто: ние и понатаму дишеме отров. Со години слушаме ветувања за ‘чист воздух’, ‘стратегии’, ‘мерки’ и ‘планови’. А што добивме? Ништо. Молк. Институционална негрижа“, стои во повикот на „Здрава котлина“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
