За пет дена од функционирањето на мобилната амбуланта во општина Ново Село направени се вкупно 120 лекарски интервенции. 112 прегледи се реализирани во амбулантата која изминатиов период ги посетуваше населените места во ова општина а медицинските тимови паралелно направиле и 8 домашни посети кај стари и изнемоштени лица на кои им била потребна лекарска интервенција. Вака информираа од општина Ново Село која заедно со младинското здружение Феникс го имплементираат проектот ,, Мрежа за примарна здравствена заштита’’ од програмата за прекугранична соработка со соседна Грција, преку кој се набави специјалното возило со мобилна амбуланта
Со проектот, во наредните 6 месеци по населените места во општина Ново Село ќе оди мобилната амбуланта со лекар, медицинска сестра, социјален работник, возач и ИТ инженер. Истата амбуланта има и медицинска опрема како апарати за мерење крвен притисок, спирометар, инструменти за мерење шекер, триглецириди и холесторол во крвата, оскиметар, два типа на ЕКГ и ЕХО ултразвук.
Општина Ново Село веќе го објави распоредот на посета на мобилната амбуланта по населените места за наредните 08.03.2021 – 12.03.2021 при што ги објави и термините на престој
Проектот,, Мрежа за примарна здравствена заштита,, Ново Село и Феникс го реализираат со грчката општина Ираклеа и Инситутот ,,Демокритос’’. Неодамна општина Ново Село и младинското здружение ,,Феникс’’ реализираа и работилницае за едукација на месното население за значењето на овој проект но и начинот на функционриање на мобилната амбуланта. По завршување на проектот, мобилната амбуланта и опремата ќе бидат ставени во функција на јавното здравје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
