Здружението Nomads Camping Club од Струмица организира еднодневен кампинг кај Старо Коњарево за празникот 11 ти Октомври при што за сите гости кампери нуди можност одблиску да се почуствува камперската магија во планина. Паралелно сите кои сакаат, ќе имаат можност да се запознаат и со водопадите кај ова населено место на Беласица која со својата богата флора и фауна нуди огромни потенцијали за истражување.
,, Целта ни беше за празникот да приредиме едно ново доживување односно да се почуствува камперскиот живот и со храна приготвена на логарски оган на отворено. Ова ќе биде убава можност за дружење но и да се почуствуваат одблиску убавините на Беласица. Како клуб ние ги овозможуваме сите услови за камперскиот престој при што ќе понудиме три оброка но и прошетка наоколу. NOMADS’ PREMIERE CAMP е вашата шанса да се освежите, релаксирате и запознаете нови пријатели во прекрасната природа.“, велат од организаторите
Сите заинтересирани може да ги контактираат организизаторите Nomads Camping Club на нивната ФБ страна. Пожелно е заинтересираните да понест шатор, топла облека, извор за светлина, душек или вреќа за спиење како и ќебе и перница.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
