Против едно правно и две физички лица има покренато обвинителен акт за хеликоптерската несреќа што се случи кај Индустриската зона Север кај Струмица во која загинаа четворица пилоти на МВР. Јавното обвинителство откако ја заврши истрагата утврдила одговорност и во април годинава доставиле обвинителен акт во струмичкиот суд кој пак го одобри пред месец дена.
Според информациите, судењето во струмичкиот суд против обвинетите ќе започне на почетокот на септември кога на обвинителна клупа треба да бидат едно правно лице и директор и одговорно лице кои според Обвинителството имаат одговорност за уривањето на полицискиот хеликоптер при што загинаа Драган Мицев, Марјан Трајкoвиќ, Тоде Орешков и Иљо Лопатички.
Несреќата се случи на 10 јули 2014 година околу 22 часот. Пилотите биле на ноќен лет на релација Скопје-Велес-Неготино-Валандово-Струмица-Берово-Делчево. Хеликоптерот од типот Ми-17 удри во антенски столб на Македонската радиодифузија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
