Почна изградбата на фекалниот и атмосферски канализационен систем за домакинствата од населното место Градско Балдовци во општина Струмица. Станува збор за проект од милион и 376 илјади евра финансиран од Министерството за транспорт и врски кој треба да ги реши поплавите но и септички јами во ова населено место.
Согласно проектот се планира изведба на околу 6,8 километри фекална но и околу 2,6 километри атмосферска канализациона мрежа кој треба да биде готова за рок од три години. Атмосферската канализација ќе оди во Тркајна додека фекалната ќе биде поврзана со Пречистителната станица на Струмица.
,,Отпадните води од домаќинствата и производствените погони преку 5 главни колектори ќе завршуваат во пречистителната станица, а атмосфесрските води преку 8 колектори ќе се спроведуваат до реципиентот – река Тркања. Изградбата на дел од колекторот „Муртино – Сачево – пречистителна станица“ е наша обврска, а останатото ќе биде производ на одличната соработка со Министерството за транспорт и врски,, објави градоначалникот Костадинов
Градско Балдовци брои околу 240 домакинства а тендерот за изведба на системот го доби струмичката фирма Жикол.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
