Општина Струмица на својата веб страна го објави повикот до правните и физички, домашни и странски лица за добивање на правото за поставување рекламни паноа на утврдените локации за времетраење од пет години. Станува збор за вкупно 40 локации за поставување рекламни паноа, кои се поделени во две групи во зависност од големината на билбордите а за кои ќе има јавно наддавање.
Во првата група се вкупно 25 локаци за паноа со димензии 5 на 2.4 метри за кои почетната цена изнесува 201 600 денари или околу 3 300 евра за година време, додека за втората група од 15 локации рекламни паноа во Струмица кои се со димензии 4 на 3 метри почетната цена за закуп на годишно ниво изнесува 144 илјади или 2 300 евра . Вкупно за сите локации за рекламни паноа во Струмица почетната изнасува 5,6 илјади евра.
Заинтересираните треба да се пријават најдоцна до 30 ти јануари а кој ќе го добие бизнисот со билбордите во Струмица ќе се знае на 3 февруари кога ќе биде јавното надавање за двете групи локации на рекламни паноа во Струмица.
Инаку сопствениците на веќе поставените рекламни паноа и билборди во Струмица, како што не информираа од општината треба да ги отстранат за да не се добие впечаток дека тие имаат предност при целата постапка. Новите ,,закупци“ ќе го имаат правото на поставување билборди на наведените локации.
За условите и локациите каде се билбордите може да се прочита ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
