Во рок од шест месеци треба да биде готова обиколницата во Радовиш која ги поврзува улиците Плачковица и Калаузиска каде живеат поголем број домакинства. Станува збор за локален пат- улица која се реализира во рамките на проектот „Туризамот – иднината на регионот“ а се имплементира преку Центарот за развој на Југоисточниот плански регион со средства обезбедени од Бирото за регионален развој но и од Општина Радовиш.
Според склучениот договор од 13 февруари годинава, градежните работи ги изведува фирата „Стоименов“ ДООЕЛ од Кочани која во конкуренција на 12 фирми го доби тендерот на Центарот за развој на Југоистокот за 7 милиони и 679 илјади денари со вклучен ДДВ или околу 125 илјади евра.
,,Овој проект кој е во соработка со Центарот за развој на југоисточниот плански регион и Бирото за регионален развој е од огромно значење за граѓаните на општина Радовиш кои живеат во тој дел од градот а со тоа и за самиот пристап кон планината Плачковица“, објави градоначалникот на Радовиш Ацо Ристов кој изврши увид на градежните работи
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
