Последнава недела Струмица и регионот се меѓу водечките по бројот на смртни случаи од коронавирус. Од болницата информираат дека станува збор за пациенти со хронични болести кои доцна се јавиле на лекар со силно развиени сиптоми. Според директорката на струмичката болница Катерина Кузмановска речиси сите починати имале коморбидитети.
Во моментов во струмичката болница се лекуваат 77 пациенти од коронавирус. 23 се хоспитализирани на инфективно одделение а седум во модуларната болницата. Останатите 47 пациенти се со полесна клиничка слика и се водат на дневна болница. Според Кузмановска последните денови се намалува борјот на пациенти од ковид 19 што се хоспитализираат во болницата
За последното деноноќие во струмичко се евидентирани само двајца нови позитивни на коронавирус а се регистрирани 32 оздравени пациенти. Во моментов како активни случаи се водат 535 лица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
