Стотина домакинства од општина Валандово се пријавиле за селекција на отпад и подигнале ќеси со бар кодови од ЈП Комунален сервис во кои ќе складираат пластика и хартија. Тие преку мобилна апликација ќе алармираат до комуналното дека се полни ќесите со отпад која може да се рециклира. Овој проект го иницираше Марио Томов од ,,Селектирај отпад’’ кој ја креираше мобилната апликација, преку која ќе оди комуникацијата меѓу валандовчани и комуналното а “Селектирај отпад” одлучи да ги наградува домаќинствата кои ќе достават најмногу селектиран отпад.
,, Интересот од ден на ден расте. Само во првата седмица од овој проект наши екипи подигнаа околу 40 тина ќеси со пластика од домакинствата кои преку мобилната апликација и скенирање на бар кодовите не известија дека ќесите се полни и може да се превземат. Наполнивме цел трактор со ќеси со пластика и хартија кои се транспортирани во посебна просторија во пожарната . Од таму ќе се подига пластиката и хартијата од страна на фирми кои ја преработуват како суровина, но таа постапка ја превземаат иницијаторите на проектот. Ние само помагаме во целиот процес,, не информираше Емилија Заева Костова директорка на ЈП Комунален сервис која информираше дека подигањето на селектираниот отпад со жолти и сини кеси ќе биде секој петок
Задоволство од почетокот на процесот изрази и тимот на ,,Селектирај отпад’’ кој ја креираше мобилната апликација преку која валандовчани ќе се регистрират и ќе алармираат до комунланото дека ги наполниле ќесите со пластика, лименки или хартија. Марио Томов вели дека овој проект со мобилната апликација која доби поддршка од Фондот за иновации е во интерес на зачувување на животната средина.
,, Нам целта на мобилната апликација и самиот проект е зачувување на животната средина но и заработка од отпадот кој може да се искористи како секундарна суровина. Со рециклирањето на отпадот решаваме повиеќе општествени проблеми. Меѓу другото целта ни е да ја подигнеме и јавната свест,, вели Томов
Инаку ,,Селектирај отпад’’ одлучи домакинствата кои најмногу ќе достават селектиран отпад преку овој процес да добијат и парични награди
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
