Во акциска контрола на МВР за еден час по улиците во Струмица се санкционирани 60 учесника. Вака информираше Тони Ангеловски портпарол на МВР чии екипи денеска на повеќе локации по улиците и патиштата во струмичко вршеа контроли на учесниците во сообраќајот дали ги почитуваат сообраќајните правила и прописи.
Портпаролот на МВР Тони Ангеловски, изјави дека санкциите се однесуваат за нерегистрирани возила, возење без возачка дозвола, пречекорена брзина на движење, како и мотоциклисти кои што ги прекршуваат правилата при движење во сообраќајот.
Ангеловски најави дека контролите ќе продолжат и наредниве денови и апелираше до сите учесници во сообраќајот да ги почитуваат правилата и законските обврски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
