Во текот на вчерашниот ден полициски службеници при СВР Струмица превзеле засилени мерки за откривање на возачи кои управувале возила со поголема брзина од дозволената на територијата на Југоистокот, подрачјето кое го покрива со четирите полициски станици. Како што стои во информацијата од СВР Струмица биле констатирани 86 прекршока за брзо возење.
,,На 08.09.2021 година во периодот од 08.00 до 16.00 часот Секторот за внатрешни работи Струмица презеде засилени мерки над возачи кои управуваат моторни возила со брзина поголема од дозволената. Притоа биле констатирани 86 прекршоци, од кои 2 возачи управувале возилo со брзина поголема од 50 км/ч од дозволеното, а 30 возачи управувале со брзина помеѓу 30 и 50 км/ч поголема од дозволената. За сите констатирани прекршоци биле изречени соодветни санкции.,, стои во информацијата на полицијата
По полициски станици, најмногу казни се изречени на подрачјето во Струмица-36, во Радовиш 25 а по 11 казни за брзо возење се изречени на териториите на полициските станици во Гевгелија и Валандово. Двајцата возачи кои управувале возилo со брзина поголема од 50 км/ч од дозволеното биле фатени на подрачјето во Струмица и Радовиш.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
