Млада жена утрово е затрелана кај Касарната во Гевгелија откако криумчари нападнале полициски службеник кој со колеги вршелe контрола на две патнички под сомневање дека нелегално превезувале мигранти. Во критичниот момнет еден од возачите физички нападнал полициски службеник со обид да му го одзеде пиштолот при што полицаецот испукал и погодил едно женско лице кое било во групата мигранти.
,,Утрово кај Гевгелија биле забележани патнички возила ,,мерцедес“ управувано од 26 годишен К.Ј и ,,форд фокус“ управувано од С.Б 51 годишен – двајцата од Скопје кои илегално превезувале мигранти. Возилата биле запрени од страна на полициските службеници по што возачите и мигрантите се обиделе да избегаат. При тоа К.Ј физички нападнал полициски службеник обидувајки се да му го одземе пиштолот. Полицискиот службеник испукал и погодил еден од мигрантите,, соопшти МВР
Двајцата возачи се приведени а мигрантите фатени. За расчистување на случајот увид извршил јавното обвинителство од Гевгелија и Одделот за внатрешна контрола при МВР. Директорот на гевгелиската болница Димитар Крџев информира дека жената без лични документи утрово била донесена без знаци на живот и покрај обидите на итната медицинска помош да ја спаси. Била примена со рана во градниот кош.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
