Гевгелиската општа болница го проширува Ковид центарот со дополнителен простор за уште осум кревети за третман на ковид пациентите, бидејки последната недела во овој дел на државата значително се зголеми бројот на позитивни на коронавирус и потребата од амбулантско лекување на заболените. Градежни екипи деновиве почнаа со работите за адаптирање на просторот до сегашните ковид амбуланти за да може и таму да се врши лекување на пациентите со полесна клиничка слика.
Иницијативата за проширување на постојниот Центар доби зелено светло и од Општинскиот штаб за заштита и спасување а гевгелиската болница до општинските власти поднесе барање за финансиска поддршка објави градоначалникот Поцков
,,Барањето за одобрување на средства, во висина од околу 377.000 денари, колку што чини доградбата на Ковид центарот, ќе се најде на дневен ред на претстојната седница на Советот на општина Гевгелија, која е закажана за следната недела. Сметам дека како општина треба да излеземе во пресрет на барањето и на тој начин да обезбедиме непречено одвивање на здравствената заштита на граѓаните и подобар третман на пациентите заразени од Ковид 19, истакна градоначалникот на Општина Гевгелија Сашо Поцков
Последната недела на подрачјето на Центарот за јавно здравје од Гевгелија кој ги покрива и општините Богданци и Дојран регистрирани се нови 82 позитивни на виурсот. Како што кажа епидемилогот Сашо Олумчев големиот број се должи на недисциплината на граѓаните за придржување на мерките.
,, Голем е бројот на пациенти кои се јавуваат во Центарот и имаат сиптоми на брнхопневмонија која бара сериозно лекување. Заради тоа одлучивме да го прошириме центарот кој сега ќе има вкупно 18 кревети кои се надеваме дека ќе бидат доволни за лекување на пациентите со сиптоми’’, рече Олумчев
Во гевгелискиот микро регион досега се заболеле 298 лица, две лица починаа од компликации од вирусот а оздравеле 137. Во моментов се водат 159 активни случаи од кои 16 се жители на општина Дојран а 44 на општина Богданци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
