Ракометната федерација донесе одлука да го прекине натпреварувањето во Супер лигата Група А, откако кај еден од клубовите се појавија заразени ракометари од ковид-19. На редовниот скрининг за продолжување на натпреварите како што објавија медиумите, 16 ракометари од клубот КЛ7 излегле позитивни. По препорака на државните здравствени власти првенството во Групата каде се и струмички Астраион и Радовиш е ставено во мирување во рок од 15 дена. Инаку КЛ7 во понеделникот играше со Радовиш и претрпе пораз.
Од РК Радовиш објавија дека на повторениот скрининг откако играле со КЛ7 имале двајца позитивни
,,Ракометниот клуб РК РАДОВИШ ја известува пошироката јавност дека веднаш по натпреварот со РК ГОЛДЕН АРТ од нивна страна сме известени дека имаат позитивни случаеви на Ковид, при што од наша страна се превземени мерки согласно пропишаните мерки и дека во текот на денешниот ден ќе бидат направени тестирања на целиот стручен штаб и играчи. Согласно протоколот за натпреварување целиот стручен штаб и тим беа тестирани негативни и на повторното тестирање имаме двајца позитивни ракометари без симптоми” стои во објавата на РК Радовиш
Во групата А освен струмички Астраион, Радовиш, КЛ 7 се и екипите на Јуниор КВ, Пролет, Охрид и Струга. Во ова група се одиграа две првенствени кола во петокот и понеделникот.
Одлуката да биде ставена групата А на 15-дневно мирување е со цел да се спречат поголеми проблеми поврзани со ковид-19. Распоредот на другата група пак нема да претрпе промени и колата ќе се одржуваат според првичниот план.
фото: Гол
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
