Заводот и музеј Струмица годинава од Минситерството за култура и туризам ќе добие околу 8,2 милиони денари или околу 133 илјади евра за презентација, промоција и заштитата на движно и недвижно културно историско наследство. Вака истакна првиот човек на оваа Нациоална установа Бранко Ѓоргиев кој подвлече дека Буџетот на оваа установа за разлика од лани е зголемен за околу 28 илјади евра.
Во Музејската дејност ќе се реализираат 14 проекти за што се предивени 24 илјади евра и тоа за конзервација и заштита на движно наследство, спроведување етнолошки теренски истражувања, изработка на документација за фрескоживописот во црквите во селата Сачево и Смолари како и евидентирање на црковни предмети од пет цркви во Струмичко со потекло од 19 век, понатаму изработка на етнолошко-антрополошки документарен филм, работилници за деца, изработка на основен проект за музеј на вода односно реконструкција на праисториска наколна населба во водите на Дојраското Езеро, печатење Зборници на трудови, монографии и сл.
За заштита на недвижно културно наследство предвидени се 105 илјади евра . Овие пари ќе одат конзервација на одбранбена кула кај с, Мокриево, конзервација и реставрација со археолошко доистражување на локалитетот „Мачук“ во Струмица, реализација на Основен проект за конзервациjа, реставрација и санација на црква Св. Кирил и Методиј во Струмица (четврта фаза), изработка на проект за непосредна заштита на црквата Св. Атансиј, с. Габрово, Гевгелија, понатаму заштитни археолошки истражување на споменичната целина Бања Банско како и изработка на елаборати за валоризација/ревалоризација на повеќе археолошки споменици на културата во Југоисточна Македонија и сл.
Пари во висина од 3 300 евра има и за печатење Зборник на трудови во којшто ќе бидат побликувани прилози од минатогодишниот меѓународен симпозиум по археологија.
„Посебно ги издвојуваме повеќегодишните капитални проекти како што се։ Реализација на основен конзерваторки проект на црквата „Св. Кирил и Методиј“ во Струмица. За овој повеќегодишен проект се предвидени вкупно 15.000.000 денари. Од нив, за оваа година се издвоени 5.000.000,00 денари. Понатаму, и годинава ќе се работи на реализација на основен конзерваторски проект за санација на кровот на манастирот „Св. Леонтиј“ во Водоча со со финасиски средства во висина од 1.659.062 денари. Тука спаѓа и реализацијата на проектот во партнерство со музејот во градот Кукуш, во Р. Грција како дел од интерег програмата на Европската Унија за 2021-2027 година и со него се очекува изработка, од наша страна, на кровна конструкција на античкото термално лекувалиште во с. Банско. За овој проект кој тераб да се реализира во Кукуш и во Струмица вкупно се одобрени 25.830.000 денари. Освен тоа, годинава продолжуваме и со завршните работи на Стариот струмички театар. За него се предвидени 196.000.000 денари“, кажа директорот Бранко Ѓоргиев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
