Девојките од ЖОК „Ново Село“ викендов дебитираат на меѓународната одбојкарска сцена. На свој терен ќе одиграат два пријателски натпревари со ОК „Медиус Волеј“ Сандански Бугарија а парите од влезниците ќе ги донираат за настраданите од Кочани. Мечевите се закажани утре и задутре во спортската сала Христо Татарчев со почеток во 16 часот и 30 минути а ќе играат пионерскиот и кадетскиот состав на ЖОК Ново Село под мотото „ЗАЕДНО ЗА КОЧАНИ“,
,,Ова е голем предизвик за нашата млада екипа. Ова е прв наш меѓународен натпревар кој заедно со нашите пријатели Медиус Волеј од Сандански,со добра игра заедно да ја покажеме нашата хуманост и подршка за семејствата во Кочани Ова нека биде и апел до сите љубители на одбојката нека дојдат нека не подржат но и нека донираат за да заеднички да ја покажеме нашата хуманост ,, ни изјави Марија Ричлиева координаторка во клубот
ЖОК “Ново Село“ е најмладиот женски одбојкарски клуб во Македонија. За кусо време успеа да се позиционира во најмладите категории во мак одбојката бидејки голем број девојчиња тренираат и настапуваат за клубот. За кадетките на капитенките на двата тима мечевите се пред се искуство но и сплотеност за покажување на највредната особина е тоа е хуманоста и солидарноста.
,,Очекуваме дека оваа меѓународна средба ќе ја истакне важноста на пријателствата и заедништвото во поддршката на семејствата од Кочани. Паралелно со обезбедувањето на конкретна помош, сакаме да ја нагласиме моќта на пријателските врски и солидарноста, кои често се основа за долгорочен успех,, вели Симона Накова капитен на пионерките
,,Среќна сум заради тоа што првпат се среќаваме со екипа од соседна дрѓава и тоа на домашен терен. Целта и очекувањата не се само во победите туку и заради искуството, дружењет, запазновањето а во моментов најважно е да помогнеме на Кочани,, вели Анастасија Гаврилвоа капитен на кадетките
Од клубот ги повикуваат сите лубители на одбојката да дојдат и да ги бодрат младите одбојкарки но и да ја покажат хуманоста на дело. Паралелно од таму соопштуваат дека во вторник ќе имаат меч со екипата на „Планет“ од Скопје во рамките на кадетското првенство со почеток во 18 часот (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
