Жители од Иловица и Штука заедно со активистите против рудници од здруженијата,,Здрава Котлина“ и ,,Еко Долина’’ ги спречија археолозите од Заводот и Музеј од Струмица да ги продолжат археолошките истражувања на локалитетите каде треба да никне рудникот за бакар Иловица на планината Огражден.
,,Утрово го спречивме конвојот од археолози и работници на Еуромакс. Ова е прва од ваквите блокади и ги предупредуваме Еуромакс да ја разберат пораката а посебно испраќаме порака до Владата во најскоро време да го донесе потребното решение и согласно законите да биде одземена концесијата за рудникот,, објавија од Здрава Котлина
Од Заводот и Музеј Струмица тврдат дека тие со закон биле здолжени да направат археолошки итражувања на локалитетите, но мислењето дали ќе се гради или не рудник на Огражден ќе го даде Управата за заштита на културното наследство. Директорот Ацо Манински вели дека ако не постапат по барањето на Еуромакс, тогаш тие ќе треба да го кршат законот.
,,Ископувањата се законска обврска за нашата институција. Финансиерот на истражувањето е Еуромакс бидејки мора да ги направи на местата каде се планираат коповите и постројките. Нашиот договор е да завршиме во рок од 60 работни денови и се надеваме дека ќе ја завршиме работата. Нашите резултати ниту може ја помагаат ниту ја одмагаат процедурата за концесија за фирмата што ќе го користи овој простор,, кажа Ацо Манински директор на Заводот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
