Влатко Иљачев од Богданци кој сега во музичките води настапува под името Валдера денововие објави нов сингл заедно со видео запис во кој го опишува својот живот. Станува збор за песната ,,Уживам’’ за која музиката и текстот ги напиша Иљачев а аранжманот е заедничко со Дино Зукич во чие студио во Скопје е и снимена. Станува збор за рок песна во која како што вели и Влатко сите ќе се пронајдат во нејзините зборови бидејки ги охрабрува младите да живеат за себе а не за другите 
,,Ние луѓето во Македонија живееме по туѓи стандарди. Се грижиме што ќе кажат другите за нас, што ќе помислат а никогаш не сме се запрашале што сакаме искрено да правиме од срце. Тука е поентата на песната. Да немаме гајле што мислат другите за нас , туку да живееме по свое оти не можеме да им погодиме на сите. Нека ова песна стане химна за сите да ја слушнат и да им помогне да се ослободат од грижата за то што ќе кажат другите оти животот е еден,,, вели Валдера
Спотот е снимен кај ветерниците во Богданци а што добил посебна дозвола од ЕЛЕМ. Видео записот го направиле Гордан Божиновски и Били Д. Иљачев упати благодарност и до општина Богданци и Публик рум од Скопје кои помогнале во реализацијата на спотот. Влатко Иљачев Валдера во блиска иднина најави нови песени бидејки ова било само почеток
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
