Ако се суди по стартот, Општинската фудбалска лига на Струмица ќе носи интересни и возбудливи мечеви но и доста голови со расположени голгетери. Дури 18 гола паднаа на четирите натпревари од првото коло на лигата која стартуваше денес. Речиси секаде беше неизвесно и не се знаеше победникот до крај а она што остави впечаток дека на сите натпревари имаше публика
Највозбудливо беше во Ново Село меѓу домашната ,,Огражден“ и „Спартмани“ од Балдовци. Паднаа дури седум гола при што се радуваа гостите со 4:3 откако на полувреме беше 1:1.
Гостинска победа издвојува и тимот на „Илинден“ од Добрејци кој гостуваше на „Напредок“ во Радово. Таму домакините беа поразени со 3:1 до тимот од Добрејци
Интересно беше и во Куклиш, каде домашната ,,Интер Кукла“ беше подобар од Слога Злеово со 2:1 а во Дрвош домакините беа подобри со 3:2 од тимот на „Единство“ од Пиперево кои на социјалните мрежи објавија дека мечот го загубиле во последните минути а упатија благодарност за приемот и добрата организација на мечот до ФК Дрвош. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
