ЕУ во земјава кој ја реализира кампањата ‘За чисто како дома исто’ преку инфо центарот објави видео за значењето на чистата вода и насликаните мурали на Пречистителната станица за фекални и отпадни води во Струмица. Во видеото се зборува за значењето на водата од ученици кои укажуваат зошто треба да се грижиме за неа како и зошто на планетата земја и е потребна чиста вода.
Во видеото е прикажан и процесот на сликање на мурали на Пречистителната станица во Струмица од страна на уметниците Ване Костуранов, Марјан Димиќ, Блаже Атанасов, Драган Китановски-Драш и Филип Конески. Токму тие се главните виновници што бетонските површини на станицата во Струмица добија нов лик кои упатуваат порака дека треба да се грижиме за водата како ресурс. Изработката на муралите почна во март, финишираше минатиот месец.
„Јас во моите дела се обидов да ја претставам водата како симбол за прочистување на еден поширок начин, во физичка и духовна смисла. Лајтмотив во позадина ми беше безвременската мисла на Руми, дека ние не сме само една капка во океанот, туку ние сме целиот океан во една капка. Се надевам дека со овие јавни дела, ќе им ја доближиме уметноста до повеќе луѓе, но уште повеќе се надевам дека ќе придонесеме да се подигне свеста за природата и ресурсите што ги имаме и ќе научиме поодговорно да ги користиме“ , ни изјави Ване Костуранов, познат уметник од Струмица кој наслика два мурала „Прочистување“ и „Длабоко во ноќта“, во должина од 26 метри, а високи по 3 метри.
Еве го видеото на ЕУ инфо центарот …..
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
