Просторот од првиот кат во Општинската зграда на Босилово кај Одделението за финанасии е претворен во Етно ќоше кој ја отсликува македонската традиција и начинот на живот од 19 и 20 тиот век. Целиот простор наликува на соба од семејна македонска куќа каде централното место му припаѓа на “русалијата“ облечен во традиционална носија. Паралелно во ова Етно ќоше се наоѓа и синија, неколку глинени бардаци, бутин за биење кисело млеко и скромна покуќнина
,,Дипломати, амбасадори, гости и добронамерни посетители може да уживаат во прекрасниот амбиент кој ја отсликува македонската традиција и начин на живот од 19 и 20 век.За мене, лично, оваа е важна, убава и креативна активност иако истата финансиски чини само 7000 денари. Благодарност до сите донатори. Уметничкиот дел е изработен од професорот Жарко Спасов. Периодов ќе го доуредиме оваа мало катче од нашата општина“, објави на ФБ градоначалникот на Босилово Ристо Манчев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
