Есенва се очекува да се распиша тендерот за изградба на главната водоводна линија во населното место Калково. Вака соопшти министерот Благој Бочварски при последната посета на Валандово. Станува збор доводен цевковод од резервоар до разводната цевководна мрежа со должина од 1072 метри со што ќе се реши едно најгорливите прашања на жителите од Калково. За таа намена од Министерството за транспрот и врски се обезбедени 5 милиони денари кажа Бочварски.
„Оваа есен очекувам да започнеме со реализација на проектот за изградба на примарна водоводна мрежа во населеното место Калково. Документацијата е подготвена, наскоро ќе биде распишан јавниот повик за избор на фирма изведувач. Со општина Валандово и градоначалникот Костадинов имаме одлична соработка и продолжуваме така и понатаму со цел обезбедување подобри услови за живот на граѓаните и развој на локалната економија“, истакна министерот за транспорт и врски, Благој Бочварски.
Претходно за овој проект преку Светска банка, беа обезбедени средства за изградба на каптажен зафат на изворската вода и нов резервоар со зафатнина на мокра комора од 150 кубни метри.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
