Есенва треба и официјално да почне со работа новиот болнички крак на струмичката општа болница кој почна да се гради пред цели 33 години. Така најави техничкиот премиер Оливер Спасовски кој заедно со министерот за здравство Венко Филипче извршија увид на новите болнички одделенија и специјалистичките амбуланти со кои струмичкиот медицински центар ќе стане регионален и ќе опслужува околу 200 илјади граѓани од Југоистокот.
Директорот на болницата Наќе Гогов кажа дека новиот болнички крак има капацитет од 85 болнички кревети кои се распоредени во повеќе одделенија што ќе се сместат во новот болничко крило кое ќе има и 11 операциони сали
,,Во новото крило ќе функционира Ургентниот центар за тријажа на болни, на специјалистичките амбуланти по општа хирургија, пластична и реконструктивна хирургија, ортопедија и урологија и во завршна фаза е довршувањето на одделите по општа хирургија, гинекологија и акушерство офталмологија, оториноларингологија, неонатологија, ортопедија. Ќе има 8 оперативни сали но и 3 за помали хируршки интервенции,, рече директорот Гогов
Министерот за здравство Филипчево своето обраќање истакна дека по три години интензивна работа, Струмица добива нов болнички објект и дека тоа го заслужуваат сите, здравствените работници, пациентите и граѓаните, не само на Струмица, туку и на целиот тој регион.
„Во оваа модерна болница, изградена со најмодерни материјали, со распоред според најразвиените светски болници, пријатно ќе се чувствуваат и ќе може квалитетна здравствена услуга да даваат здравствените работници, но и врвна медицинска услуга пациентите на коишто им е тоа потребно за многу кратко време и се на едно место. Оваа здравствена криза со која сега во овој момент се соочуваме, а тоа е коронавирусот покажа дека е исклучително важно да имаме модерни болници во којшто може за кратко време пациентите без многу лутање и на едно место да добијат здравствена услуга, а не да се препраќаат во околните болници во другите градови“, потенцираше министерот Филипче.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
