Преку програмата Еразмус+, оранизиран од http://www.yowopoland.org/, и партнерската организација од Македонија Youth Empowerment Association – YEA Macedonia – @yeamkd, Мила Младенова од Струмица, Лилјана Танчева од Гевгелија и Теодора Петровска од Тетово учествуваа на тренинг курсот за социјално преприемништво „Повеќе од пари“ (More than money) во Гора Калварија во Полска
Курсот беше организиран од @YoWoPoland со цел да овозможи на младите од 8 европски земји да се запознаат со бизнис моделите на социјалното претприемништво. Младите преку различни работилници и симулации, имаа можност да креираат бизнис модел за социјално претпријатие и истото да го презентираат пред потенцијални инвеститори а искуствата да ги споделат и во матичните земји
,,Организаторот овозможи да посетат неколку социјални претпријатија во Варшава, меѓу кои и ресторанот Different – ресторан во темница, кој е доста популарен, а е важен затоа што на гостите им се служи храната во тотална темнина, со што им се ,,одзема’’ сетилото за вид. Целта на овој ресторан е да ги стави луѓето во кожата на слепите лица, а самиот ресторан вработува 6 слепи лица како услужен персонал. Овој бизнис е идеален приказ на темата социјално претприемништво, односно бизнис кој враќа назад кон општеството,, информираа учесничките од земјава
На овој тренинг курс, младинските работници се запознаа и со различните култури, традиции и обичаи во земјите – учеснички на овој проект како и да се стекнат со многу нови пријателства.
Тренинг курсот “More than money“ е проект финансиран од програмата Еразмус+, а по неговото завршување сите учесници добија официјален сертификат – Youthpass кој е интернационално признат документ кој ги рефлектира стекнатите знаења и вештини, кој отвора доста врати. На овие тренинзи може да учествуваат лица над 18 години, без ограничување на возраста.
Еразмус+ програмата е финансирана од Европската комисија и освен тоа што им овозможува на учесници од eвропските земји да студираат и да завршат дел од своите студии во некоја друга држава, а овозможува и учество на вакви краткорочни мобилности – младински размени и тренинг курсеви на различни теми кои го опфаќаат и неформалното образование како алатка за едукација надвор од училишните клупи.
Ако сакате да ги следите интензивно сите повици кои се однесуваат на македонски учесници, заследете на Facebook Националната агенција за европски образовни програми и мобилност @na.org.mk, приклучете се на групата Erasmus + North Macedonia.
YEA – Youth empowerment association е партнерска организација на неколку организации од Европа и испраќа учесници доста често на различни тренинзи и младински размени. http://yea.mk/ ова е нивната веб страна, а може да ги најдете и на ФБ https://www.facebook.com/YEAMKD и на инстаграм https://www.instagram.com/yeamkd/
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
