За Задушница, викарниот епископ Стобиски г.Јаков апелира на гробовите да се носи само пченица и вино додека приготвената храна за покојните да се додели на гладни и сиромашни. Според него погрешно е да се толкува дека нашите упокоени имаат потреба од храна и пиење. Како што вели тоа е искривено сфаќање на реалноста на царството небесно .
„Во Царството небесно на нашите упокоени ништо не им недостасува бидејки Царството божјо е радост во гледањето во лицето божјо. Ако сакате онаа храна што сте ја подготвиле од љубов кон нашите покојни, да заврши таму каде што треба, еве постои „Елеуса Фондација“ каде што на одредено место секојдневно ги храни гладните и жедните или едноставно земете ја таа храна и однесете ја кај оние луѓе кај што знаете дека имаат потреба. Местото не е на гробовите. Ако веќе се собираме на гробовите, таму треба да се помолиме и да му заблагодариме на Бога и со љубов да се сеќаваме на нашите упокоени. Се друго е излишно и ја срамиме нашата вера“ – кажа г.Јаков.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
