Струмица добива јавен градски превоз кој ќе се реализира со 10 електрични автобуси кои освен во градот ќе се обраќаат и до населените места во општината. Во наредниот месец дена, автобусите ќе возат пробно и бесплатно а од втората половина според плановите ќе се наплаќа 30 денари за градска и 60 денари за превоз до населните места во општината.
Овој период се очекува да заврши обележувањето на постојките, системот на плаќање , целосно утврдување на термините и линиите по кои ќе се обраќаат електричните автобуси. Овие автобуси чинат околу 7 милиони евра а се набавени по пат на финансиски лизинг .
,, На граѓаните им овозможуваме поекономичен, почист јавен превоз. Имплементацијата наидува на позитвини коментари и вреди да се потенцира дека за да биде успешен јавниот градски превоз треба граѓаните да го користат, оти еден автобус заменува 50 автомобили. На тој начин ке ги растеретеме улиците од автомобили,, кажа градоначалникот на Струмица Костадин Костадинов.
фото: Радио СтрумицаНет
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
