,, Нашиот револт е против загадувачите и оние кои не постапуваат а тоа се институциите. Мислиме дека со постојан притисок ќе има реални промени“. Вака кажа Стојан Велков еко активист од Здрава Котлина кој со струмичани го блокираа кружниот тек кај Поштата – делница која поврзува три клучни сообраќајници во центарот на градот. Според него тие со оваа блокада сакаат да ги потсетат локалните и централните власти за нивните барања оти ниту едно од нив во целост не е реализирано а помина половина месец.
“Нашите барања се да престане загадувањето а надлежните да постапуваат и да казнуваат ако треба и со затворање на физички и правни лица, втората работа е да ги запознаеме граѓаните за последиците од вдишување канцероген воздух а третата е да ги слушенеме нивните предлози како да дејствуваме во иднина“, кажа Стојан Велков од Здрава Котлина
Блокадата беше со паркирани возила и транспаренти. Екоактивистите сакаат поставување на нови шест мерни станици, набавка на специјализирани дронови за мерење на аерозагдувањето, вработување на пет инспектори за животна средина, ревизија на издадените А и Б дозволи и елаборати за животна средина, камери на дивите депонии, зголемен буџет за животна средина и поголема отчетност од инспекторите. Општината неодамна објави дека веќе имало казни за физички лица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
