Екипата на ФФМ го освои вториот меморијален турнир ,,Филип Лазаревски,, што се одржа во Струмица на теренот со вештачка трева а беше во организација на ФК ,,Академија Пандев”. На турнирот како што е познато учествуваа четири екипи. Освен екипата на ФФМ составена од фудбалери од фудбалската паралелка од Скопје, настапија и фудбалерите родени 2002 на Академија Пандев (генерацијата каде настапуваше Лазаревски), Реал Ниш од Србија и УВВ Утрехт од Холандија.
Турнирот се играше по форматот секој со секого, при што секоја екипа одигра по три натпревари. Селекцијата на ФФМ со три победи и вкупно 9 освоени бода беше најдобра и го освои турнирот. Втори беа домаќините – фудбалерите на Академија Пандев, третото место отиде кај гостите од Србија – екипата на Реал Ниш а последен на турнирот беше тимот од Утрехт Холандија УВВ
За најдобар голман на турнирот беше прогласен Димитрија Стевановиќ од тимот на Реал Ниш од Србија, признанието најдобар играч го доби Мете Максимов од селекцијата на ФФФМ а за најдобар стрелец беше прогласен Кире Митков од Академија Пандев каде настапуваше младиот Лазаревски.
Фотогалерија од прогласувањето на најдобрите на турнирот ,,Филип Лазаревски” на кој наградите и признанијата им ги доделија преставници од семејството Лазаревски, но и од Академијата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
