„Европско патувачко кино под отворено небо“ е насловена новата програма на Фестивалот на европски филм Синедејс, која почнува денес. Синедејс ја стартува програмата во чест на 20-годишното постоење како заеднички проект на Делегацијата на Европска Унија и Младински културен центар.
Патувачкото кино ќе прикаже 12 филма: шест европски снимени во последните години и шест македонски кратки филма, дел од нив наградени на различни филмски фестивали.
Почнува во Крива Паланка на 25/26 јуни (Градски плоштад), па продолжува во Струмица на 3 и 4 јули (Градски парк, Дом на АРМ) и Струга на 9 и 10 јули (Центар за култура, летна сцена). Проекциите почнуваат во 21 часот и ќе бидат проследени со разговори со филмскиот критичар Влатко Галевски и неговите гости.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
