„Д фестивал“ во Дојран ќе има на крајот од месец јули. Ќе се вика „Дојран Д-фест“, ќе трае три дена а ќе се реализира на три сцени со голем број на домашни и странски артисти. Вака најави првиот човек на Дојран Анго Ангов кој склучи меморандум за соработка со „Висуал продакшн“ од Струмица кои се јавуваат како нови организатори на овој летен фестивал кој треба да ја продолжи традицијата на овој летен фестивал.
,, Станува збор за 15- тото издание. На задоволство на сите, тој ќе се одржи на 25,26 и 27 јули. Фестивалот ќе биде во ист формат и стил како и досега. Ќе има камп зона, во градскиот парк ќе има две сцени со целодневна програма а главната сцена ќе биде на паркингот на Гранит каде ќе настапат познатите музички имиња. Засега договорени се Сенида, ДЏ Мосел, ДЏ Диволи, ДЏ Никифор, ДЏ Јоргос. Со тек на време ќе бидат објавувани и другите артисти кои ќе настапат на овој фестивал кој треба да премине и како балкански“, кажа градоначалникот Ангов
Планот е Општина Дојран и ,,Висуал продакшн“ да потпишат Договор за реализација на овој фестивал во наредните пет години и да се донесе одлука на Совет за да не се случуваат работи во 5 до 12 се дислоцира фестивал.
,, Овој фестивал е душата на Дојран. Ниту е на општината, ниту било на кој друг што сака да поентира. Се надевам дека ќе и годинава овој фестивал ќе биде доста посетен за да ја продолжиме традицијата,, кажа Ангов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
