Сопствениците на трговски дуќани, деловни простории и тезги од опожарениот ГТЦ ,,Глобал’’ во Струмица, преку здружението ,,Обнова Глобал’’ бараат помош и апелираат на хуманост од сите, за солидарност за обнова на трговскиот центар од кој егзистираа стотина струмички семејства. Илија Митевски од ова здружение информираше дека е отворена сметка за донации и упатуваат апел до Владата, Стопанските комори а преку нив и до бизнис заедницата но и до физичките лица да ја покажат својата солидарност со средства кои ќе бидат наменети за заедничките потреби на Глобал но и за економските оператори за изгорените основни и обртни средства.
,, Штетите се со катастрофален размер. Уништени се стотина дуќани, деловни простории и тезги како и нивните основни и обртни средства. Штетите се милиони евра. Како здружение ќе се обратиме до сите институции републички и општински, Владата, Стопанските комори но и физичките лица да уплаќаат средства на нашата отворена трансакциска наменска сметка за обнова на ,,Глобал’’. Средствата на најтранспарентен начин ќе бидат објавени за што ќе бидат потрошени и искористени,, рече Митевски кој денеска ја објави и наменската сметка за донации и солидарност.
Сите кои сакаат да помогнат тоа може да го сторат на сметката 270074779880184 Халк Банка на Обнова Глобал.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
