Младите кикбоскери на Тим Зоран од Струмица на Европскиот КУП ,,Карловац Опен 2020” во Хрватска освоија дури 14 медали. Речиси сите девет учесници се закитија со по еден или два медала во конкуренциите и категориите во кои настапија а малку недостасуваше да донесат и злато од ова натпреварување на кое учествуваа над 2000 натпреарувачи од 40 светски земји
Александар Делиовски освои две сребра во категоријата над 47 килограми, Ристе Чавков исто така освои две сребра. Сребрени европски медали на овој турнир освои и Ана Стојанова во две дисциплини додека Славе Делиовски сребро и брозна до и над 84 килограми. Андреј Трајков до 42 килограми освои бронзени медали а со две бронза се закити и Јован Чавков до и над 47 килограми. Драган Пандев мораше да се задоволи со трето место и Александар Арапов којдо 28 килограми го освои третото место и се закити со бронзен медал.
,, Ове е успех за нашите деца кои издржаа по 3 до 4 борби во еден ден пред се заради набиената агенда. Задоволен сум бидејки за најголемиот дел од нив е прво меѓународно искуство и ова е потврда за работата во нашиот клуб,, ни изјави Зоран Спасов од КБК Тим Зоран од Струмица.
На Европскиот Куп во Карловац Хрватска учествуваат борачи од Хрватска, Шпанија, Грција, Бугарија, Русија, Израел, Бразил, Индија, Алжир, Тунис, Египет, Порто Рико, Еквадор, САД а покровител на овој турнир беше претседателката на Хрватска, Колинда Грабар – Китаровиќ, Хрватскиот олимписки комитет и Централниот државен завод за спорт и општината Карловац, а клубот „Тигар“ беше организациски партнер .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
