Членовите на Македонското друштво Пирок од Швајцарија собраа околу 11 илјади швајцарски франци на хуманитарната забава посветена за собирање донации за лекување на десет лица од земјава. Како што информираа од друштвото од продажбата на влезници се собрани нешто повеќе од 7 илјади швајцарски франци а од продажбата на слатки повеќе од 3 илјади а остатокот до 11 илјади франци ги обезбеди организаторот -друштвото Пирок.
Од таму посебно изразија благодарност до Македонка Георгиева, Ванга Јанева, Кети Јанев и Вилма Јованова кои беа задолжени за хуманитарната продажба на слатки од вредните домакинки што ги донесоа на забавата. Имено освен од Швајцарија на забавата допатувале македонци од Германија, Франција, Словенија, Италија, Луксембург и Белгија
На забавата настапија Сузана Гавазова, Влатко Миладиновски, Дамјан Стојановски, Ферус Мустафов, група Болеро со Кико, Антонија Гиговска, Aлен Хасановиќ, Јане Крстев, Орхан и Анил
Како што информираат од Македонското друштво Пирок собраните средства ќе се поделат на Михаела Петрова од Куклиш, Никола Новоселски од Муртино, Ирена танчева од Самоуилово, Томе Jанев од Струмица, Симона Хаџи тошева од Штип, Јане Николов од Зрновци, Лидија Ристевска од Битола, Михаил Митевски од Охрид, Огнен Стојков од Свети Николе и за Љупчо Бојановиќ од Звегор Делчевско кои сите поединечно ќе добијат по 1100 швајцарски франци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
