Дрнка МК портал е еден од петте локални медиуми во земјава кој ќе добива поддршка за продукција на содржини од јавен интерес во заедницата. Поддршката доаѓа откако Дрнка МК аплицираше на јавниот повик на фондацијата Метаморфозис и во конкуренција на 29 медиуми беше прифатена проектната апликација за изработка на медиумски содржини. Станува збор за јавен повик во рамките на регионалниот проект SMS Facility – Поддршка за малите медиуми од Западен Балкан .
Станува збор за регионален проект кој има за цел да помогне но и да се отворат можности за развој на локалните медиуми кои се најранливиот сегмент во медиумскиот пејзаж во земајва соочувајки се со бројни предизвици во споредба со големите нацинални куќи. На тој начин локалните медиуми ќе може да креираат автентични приказни кои директно ќе ги адресираат проблемите и потребите на локалните заедници.
Во наредниот период Дрнка МК портал ќе почне да продуцира видео содржини во кој фокус ќе бидат младите и нивниот глас како идни креатори на локалните политики во заедницата.
Освен Дрнка.мк портал од Струмица избрани се и Иновативност од Штип Mollekuqja од Тетово, Умно.мк од Скопје и Радио Кочани од Кочани кои ќе добиваат и менторска поддршка за да ја подобрат својата мултимедијална продукција и да го зголемат своето влијание во заедниците во кои дејствуваат и секако да изградат одржливи бизнис модели.
Регионалниот проект SMS Facility – Поддршка за малите медиуми од Западен Балкан, финансиран од Европската Унија, се спроведува во партнерство со пет граѓански организации за поддршка на медиуми – Центарот за промоција на граѓанско општество CPCD (Босна и Херцеговина) како водечки партнер, Томсон медиа (Германија), Наука и иновација за развој SCIDEV (Албанија), Косово глокал (Косово) и Центарот за демократска транзиција (Црна Гора).
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
