ЈП Национални шуми планира измени во годишните планови за да бидат опфатени со сеча огревните дрва од опожарените површини. Паралелно планира дрвната маса која била зафатена со пожар да ja продава по редовни цени а не по пониски како што било претходно. Вака најави заменик директорот на ова јавно претпријатие Кире Михаилов сметајки дека може да се ублажат последиците од големите шумски пожари оваа лето во земјава.
,, Тие дрва не одлетаа. Во моментов имаме дрвна маса на опожарена површина и мора тие да ни бидат приоритет за сеча иако во годишните планови воопшtо не биле планирани. Значи ќе пристапиме на сеча на опожарените огревни дрва по редовна цена а не по намалена цена. Претходно луѓето беа навикнати огревните дрва зафатени со пожар да ги купуваат по пониска цена што нема да биде случај сега“, кажа заменик директорот на Национални шуми Кире Михаилов
Како пример тој го посочи пожарот на Огражден во струмичко каде биле опожарени околу 700 хектари шумска површина при што е направена штета од околу 7,5 милиони евра на дрвната маса. Михаилов вели дека место од Беалсица ќе пристапат на сеча на опожарените огревни дрва од Огражден каде проценките се дека е направена матријална штета од околу 7,5 милиони евра
,, Нашата цел е да се ублажат последиците. На Огражден наша претпоставка е дека имаме околу 12-13 илјади кубни метра огревно дрво зафатено со пожарот. Тие не беа планирани да се сечат но сега ќе мора да пристапиме и од таа дрвна маса да инкасираме околу 5 до 6 милиони евра но по нормална цена а не како досега по пониски“ кажа Михаилов
Како што истакна тој заклучно до 1 август во земјава опожарени се околу 60 илјади хектари шуми при што е направена матријална штета од околу 26 милиони евра по дрвната маса. (В.Трајков / фото ЦУК )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
