Со последните новозаболени од ковид-19 регистрирани во Гевгелија, Струмица, Радовиш и Валандово, бројката на вкупно заболени во Југоистокот изнесува 3 853 лица а во моментов како позитивни се водат 1 080 лица. Статистиката што ја води Институтот за јавно здравје покажува дека од општините од Југоистокот од компликации предизвикани од вирусот ковид-19 од почетокот на пандемијата досега, починале 133 лица
Во последното деноноќие во Струмица и регионот што го води Центарот за јавно здравје од Струмица се регистрирани нови 25 позитивни. Вкупната бројка на заболени од овој вирус до 16 декември изнесува 2 067 а во моментов како активни се водат 594 лица. Починале 81 пациент
Во Гевгелија и околните Богданци и Дојран од вирусот ковид-19, со последните 33 позитивни, досега заболеле 988 лица.Од ова бројка на вкупно 69 лица се жители на Дојран а 168 од Богданци – останатите од Гевгелија. Во овие три општини како активни заклучно со 15 декември се водат 301 лица а починале 22 лица.
Во Радовиш и Конче општини кои се водат под ЦЈЗ Штип, од почетокот на пандемијата досега заболеле 542 лица. Позитивни се 131 лице а 28 пациенти починале од компликациите од вирусот.
Во Валандово според Институтот за јавно здравје, од почетокот на пандемијата досега во ова општина заболеле 256 лица, активни се водат 54 а двајца починале.
Здравствените власти и понатаму апелираат граѓаните да не се групираат, да одржуваат физичка дистанца, да носат заштитна маска но и честа и редовна дезинфекција.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
