Општина Дојран ќе земе учество на 47 Интернационален саем за туризам во Белград Србија кој ќе се одржи од 19 ти до 22 февруари под мотото ,,Едно патување – илјада приказни“. На саемот Дојран ќе ги презентира сите свои природни убавини но и угостителски и сместувачки понуди со цел престојната сезона да биде успешна. Се планира преку повеќе рекламни матријали да бидат презентирани угостителско сместувачките капацитети, традиционалната храна, културно историските локалитети и споменици, но и убавините на Дојранското езеро.
Од таа причина општина Дојран ги повика сите угостители, хотелиери и приватни издавачи на соби и апартмани, доколку сакаат да го претстават својот бизнис на престижниот Саем за туризам во Белград, деновиве да донесат рекламен материјал во општината . Саемот во Белград е еден од најголемите и најзначајни туристички настани во Југоисточна Европа, каде што се собираат стотици изложувачи, туристички организации, хотели, агенции и професионалци од цела Европа
„Ги покануваме угостителите, сопствениците на соби и апартмани, хотелиерите и сите што сакаат да го промовираат својот туристички бизнис и работат на територијата на општина Дојран да ги достават своите промотивни материјали (летоци, брошури, каталози) во просториите на Општината најдоцна до 17 февруари (вторник). Ова е одлична шанса да бидете дел од централниот туристички настан оваа сезона, да го подигнете профилот на вашата понуда и да ја проширите вашата мрежа на контакти“, стои во повикот на Општина Дојран.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
