Општините Дојран и Медулин од Хрватска кои седум години се збратимени, во наредниот период ќе работат на заеднички проекти за кои средства ќе барат од ЕУ и други меѓународни фондови и тоа за развој на туризмот, одржливото рибарство, заштитата на животната средина но и за креирање младински политики на соработка и пријателство. Ова е заклучокот од посетата на дојранската делегација предводена од градоначалникот Анго Ангов во Медулин Хрватска, мала општина која се наоѓа на полуостровот Истра и брои околу 6500 жители
,, Ми преставува задоволство што ја продлабочуваме соработката меѓу двете општини. Сега имаме нов проект во кој ќе биде вклучена општина Дојран и тоа за одржливо рибарство. Се надевам дека ќе биде одобрен од ЕУ. Но има и други можности за за заедничко дејствување во иднина и заеднички да ги користиме меѓународните фондови,, кажа градоначалникот на Медулин Горан Бујиќ
,, Среќен сум што сум овде и ја продолжуваме соработката како збратимени општини. Дојдовме да размениме искуства, соработка за аплицирање на проекти и да успееме во тоа. Се чуствуваме како дома, оти ние како општини сме слични,, кажа градоначалникот на Дојран Анго Ангов.
Во делегацијата од општина Дојран беа и преставници од Советот на младите кои со своите врсници од Медулин ќе развиваат заеднички политики за соработка.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
