Со одлука на Владата, Општина Дојран доби нови 65 милиони денари за реконстуркција и надградба на колекторскиот систем но и за изградба на нова пречистителна станица. Досега за ова намена обезбедени се вкупно 135 милиони денари кои ќе почнат да се користат веќе од март идната година, кога се очекува на терен да почне реконструкцијата и надградбата на колекторскиот систем стар повеќе децении.
,,Со одлука на Владата на РСМ одобрени се средства за реконструкција и надградба на колекторскиот систем и изградба на нова пречистителна станица. Со имплементација на овој проект, конечно ќе се стави крај на проблемот со прочистување на отпадните води, а со тоа и заштита на нашиот бисер – Дојранското Езеро,, објави градоначалникот на Дојран Анго Ангов.
Првиот човек на општината најави дека веќе во јануари се очекува да биде распишан тендерот и да се избере економски оператор кој ќе работи на реконструкција и надградба на колекторискиот систем кој треба до стартотна новата туристичка сезона да биде готов, додека изградбата на новата пречистителна станица да отпочне во 2024. За реализација на овие два капитални проекти потребни се дополнителни 180 милиони денари кои ќе се бараат од домашни и странски фондови.
,,Мора да разбереме дека Дојранското Езеро ни е оставено како аманет од нашите претци, грижата за истото мора да биде континуирана за да им го предадеме на нашите поколенија онака како што доликува, токму така како што ни го предале нам – богато со риба, ендемични видови и фасцинантна флора и фауна,, напиша Ангов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
