Жителите на општина Дојран, на денешниот референдум не дадоа зелено светло за склучување договор за јавно приватно партнерство за комуналните услуги водовод и канализација. На осумте гласачки места денеска излегле околу 53 одсто од запишаните 2622 граѓани со право на глас. Од излезените 965 биле против, 402 биле за а имало и 37 неважечки ливчиња. Со оглед дека најголемиот дел од дојранчани се изјанија ПРОТИВ општина Дојран ќе ја прекине постапката за формирање на ново комунално по пат на јавно приватно партнерство кое требаше да стопанисува со услугите водовод и канализација во наредните 30 години.
,, Нашата цел беше да го слушнеме гласот на граѓаните и затоа се одлучивме да има референдум. Според првичните информации , најголемиот дел или 965 од излезените граѓани се против да ја продолжиме постапката, што значи за услугите водовод и канализација нема да има јавно приватно партнерство. Продолжуваме понатаму во изнаоѓање на други решенија, ова беше само еден пример како треба да функционира едно демократско општество и како се носат битни одлуки во согласност со народот,, изјави градоначалникот Анго Ангов
Според драфт договорот на општината за јавно приватно партнерство, доколку дојранчани позитивно се изјаснеа, потенцијалниот приватен инвеститор ќе мораше во првите 3 години да инвеситра околу 8,1 милион евра во водоводната и канализациона инфраструктура во општината а со овие комунални услуги да стопанисува во наредните 30 години.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
