Околу 32 милиони килограми црвена пиперка ајварка се откупени од почетокот на овогодинешната сезона. Од нив околу 11 милиони килограми се извезени на странските пазари. Од Министерството за земјоделство, шумарство и водостопанство велат дека се задоволни од досегашниот тек на откупот.
Според МЗШВ годината може да се оцени како успешна, не само поради добриот квалитет на пиперката и стабилните цени, туку и поради зголемената координација и комуникација меѓу сите чинители во синџирот на производство.Тој најави дека во наредниот период ќе следува дополнително уредување на секторот преку новиот закон за земјоделство и рурален развој, кој е во фаза на носење.
Во текот на целиот откупен процес, на терен бил присутен и Инспекторатот за земјоделство. Според надлежните, оваа година не се констатирани значајни отстапки од законските прописи и договорените правила.
Очекувањата се дека и вкупниот откуп, но и извозот на ајварката оваа сезона ќе бидат повисоки во однос на минатата година. Сепак, конечната слика ќе биде позната по завршувањето на бербата, особено во регионите на Битола и Прилеп, каде што процесот започнува и завршува нешто подоцна во споредба со Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
