По десетина години пауза ќе се возобнови Општинската фудбалска лига на Струмица. Станува збор за проект кој го реализира Општинскиот фудбалски сојуз на Струмица по доаѓањето на Илија Илиев Ромата како прв човек на сојусто. Целта е да се овозможи приближување на фудбалот како спорт во малите рурални средини и вклучување на што повеќе млади во ,,фудбалската магија“.
Вкупно осум екипи се пријавени во Општинската фудбалска лига на Струмица. Како што соопштија од сојузот има простор и можности за приклучување и други екипи од струмичко радовишкиот регион. Потврда за учество стаса од екипи од Ново Село, Куклиш, Дрвош, Радово. Балдовци, Пиперево, Добрејци и Злеово.
Допрва ќе се утврди стартот на Општинската фудбалска лига а ќе се игра по принципот секој со секого а најдобриот ќе има можност следната сезона да се префрли во повисок ранг на натпреварување односно во Третата фудбалска лига Исток. ОФС Струмица како одговорен во соработка со ФФМ постојано ќе биде поддршка на клубовите кои ќе се натпреваруваат во оваа лига. (М.К.)
фото: Спротска мрежа
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
